Breaking News

ਇਸ ਸ਼ਖਸ ਨੇ ਵਿਸ਼ਵ ਪੱਧਰ ‘ਤੇ ਚਮਕਾਇਆ ਬਠਿੰਡਾ ਦਾ ਨਾਂਅ

Cricket, Jason Sangha, Captain, Australian Team, Indian

ਜੇਸਨ ਸੰਘਾ ਆਸਟਰੇਲੀਆਈ ਕ੍ਰਿਕਟ ਟੀਮ ਦਾ ਕਪਤਾਨ ਬਣਿਆ

ਅਸ਼ੋਕ ਵਰਮਾ
ਬਠਿੰਡਾ,17 ਦਸੰਬਰ।

ਬਠਿੰਡਾ ਦੇ ਨੌਜਵਾਨ ਜਸਕੀਰਤ ਸਿੰਘ ਸੰਘਾ ਉਰਫ ਜੇਸਨ ਸੰਘਾ ਨੇ ਕ੍ਰਿਕਟ ਦੇ ਖੇਤਰ ‘ਚ ਬਠਿੰਡਾ ਦਾ ਸਿਰ ਫਖਰ ਨਾਲ ਉੱਚਾ ਕਰ ਦਿੱਤਾ ਹੈ ਨਿਊ ਸਾਊਥ ਵੇਲਜ਼ ਤੋਂ ਹਰਫਨਮੌਲਾ ਆਸਟ੍ਰੇਲੀਅਨ ਕ੍ਰਿਕਟਰ ਜੇਸਨ ਸੰਘਾ ਇਸ ਵੇਲੇ ਅਸਟਰੇਲਿਆਈ ਨਾਗਰਿਕ ਹੈ ਜਿਸ ਨੂੰ ਅੰਡਰ- 19 ਵਿਸ਼ਵ ਕੱਪ ‘ਚ ਆਸਟਰੇਲੀਆ ਦੀ ਟੀਮ ਦਾ ਕਪਤਾਨ ਬਣਾਇਆ ਗਿਆ ਹੈ ਆਸਟਰੇਲੀਆਈ ਟੀਮ ਦੀ ਅਗਵਾਈ ਕਰਨ ਵਾਲੇ ਜਸਕੀਰਤ ਸਿੰਘ ਸੰਘਾ ਭਾਰਤੀ ਤੇ ਇਸ ਤੋਂ ਵੀ ਅੱਗੇ ਪੰਜਾਬੀ ਮੂਲ ਦੇ ਪਹਿਲੇ ਕ੍ਰਿਕਟਰ ਹਨ।  ਜੇਸਨ ਸੰਘਾ ਅਗਲੇ ਮਹੀਨੇ 13 ਜਨਵਰੀ ਤੋਂ 3 ਫਰਵਰੀ ਤੱਕ ਨਿਊਜ਼ੀਲੈਂਡ ‘ਚ ਹੋਣ ਵਾਲੇ ਅੰਡਰ-19 ਆਈਸੀਸੀ ਵਿਸ਼ਵ ਕੱਪ ਵਿਚ ਆਸਟਰੇਲੀਆਈ ਟੀਮ ਦੀ ਕਪਤਾਨੀ ਕਰੇਗਾ।

ਪੰਜਾਬ ਦੇ ਸਾਬਕਾ ਮੁੱਖ ਸੰਸਦੀ ਸਕੱਤਰ ,ਬਠਿੰਡਾ ਨਿਵਾਸੀ ਸ੍ਰੀ ਸਰੂਪ ਚੰਦ ਸਿੰਗਲਾ ਦਾ ਕਹਿਣਾ ਸੀ ਕਿ ਬੇਸ਼ੱਕ ਵਿਦੇਸ਼ੀ ਟੀਮਾਂ  ‘ਚ ਪਹਿਲਾਂ  ਵੀ ਭਾਰਤੀ ਖਿਡਾਰੀ ਹਿੱਸਾ ਲੈਂਦੇ ਰਹੇ ਹਨ ਪਰ  ਵਿਦੇਸ਼ੀ ਟੀਮ ਦੀ ਕਪਤਾਨੀ ਉਹ ਵੀ ਬਠਿੰਡਾ ਦੇ ਲੜਕੇ ਵੱਲੋਂ ਕਰਨੀ ਬਠਿੰਡਾ ਲਈ ਆਪਣੇ ਆਪ ‘ਚ ਮਾਣ ਵਾਲੀ ਗੱਲ ਹੈ। ਉਨ੍ਹਾਂ ਆਖਿਆ ਕਿ ਇਹ ਸਨਮਾਨ ਵੀ ਇੱਕ ਇਹੋ ਜਿਹੇ ਦੇਸ਼ ਵਿਚ ਪ੍ਰਾਪਤ ਹੋਇਆ ਜਿੱਥੇ ਕ੍ਰਿਕਟ ਨੂੰ ਕਾਫ਼ੀ ਤਰਜ਼ੀਹ ਦਿੱਤੀ ਜਾਂਦੀ ਹੈ। ਉਨ੍ਹਾਂ ਆਖਿਆ ਕਿ ਜਸਕੀਰਤ ਸਿੰਘ ਸੰਘਾ ਨੇ ਆਪਣੇ ਮਾਪਿਆਂ ,ਪੰਜਾਬ ਤੇ ਦੇਸ਼ ਦਾ ਨਾਂਅ ਰੌਸ਼ਨ ਕੀਤਾ ਹੈ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

 

ਪ੍ਰਸਿੱਧ ਖਬਰਾਂ

To Top