ਹਰਿਆਣਾ ‘ਚ ਕੋਰੋਨਾ ਦੇ 230 ਨਵੇਂ ਮਾਮਲੇ ਮਿਲੇ

Coronaviru

ਹਰਿਆਣਾ ‘ਚ ਕੋਰੋਨਾ ਦੇ 230 ਨਵੇਂ ਮਾਮਲੇ ਮਿਲੇ (Coronavirus Haryana)

ਚੰਡੀਗੜ੍ਹ (ਸੱਚ ਕਹੂੰ ਨਿਊਜ਼)। ਹਰਿਆਣਾ ਵਿਚ ਮੰਗਲਵਾਰ ਨੂੰ ਕੋਰੋਨਾ ਵਾਇਰਸ ਸੰਕਰਮਣ ਦੇ 230 ਨਵੇਂ ਮਾਮਲਿਆਂ ਦੇ ਆਉਣ ਨਾਲ ਸੂਬੇ ’ਚ ਮਰੀਜ਼ਾਂ ਦੀ ਕੁੱਲ ਗਿਣਤੀ 1001262 ਹੋ ਗਈ ਹੈ। ਸਿਹਤ ਵਿਭਾਗ ਦੇ ਬੁਲੇਟਿਨ ਅਨੁਸਾਰ ਸੂਬੇ ਵਿੱਚ ਹੁਣ ਤੱਕ 989579 ਲੋਕ ਤੰਦਰੁਸਤ ਹੋ ਚੁੱਕੇ ਹਨ ਅਤੇ ਇਸ ਸਮੇਂ ਕੋਵਿਡ-19 ਦੇ ਐਕਟਿਵ ਕੇਸ 1039 ਹਨ। ਇਸ ਮਹਾਂਮਾਰੀ ਕਾਰਨ ਸੂਬੇ ‘ਚ ਹੁਣ ਤੱਕ 10,621 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਹ ਜਾਣਕਾਰੀ ਸੂਬੇ ਦੇ ਸਿਹਤ ਅਤੇ ਪਰਿਵਾਰ ਭਲਾਈ ਵਿਭਾਗ ਵੱਲੋਂ ਕੋਰੋਨਾ ਵਾਇਰਸ ਦੀ ਸਥਿਤੀ ਬਾਰੇ ਇੱਥੇ ਜਾਰੀ ਬੁਲੇਟਿਨ ਵਿੱਚ ਦਿੱਤੀ ਗਈ ਹੈ। ਇਸ ਸਮੇਂ ਸੂਬੇ ਵਿੱਚ ਕੋਰੋਨਾ ਦੀ ਦਰ 2.07 ਫੀਸਦੀ, ਰਿਕਵਰੀ ਦਰ 98.83 ਫੀਸਦੀ ਅਤੇ ਮੌਤ ਦਰ 1.06 ਫੀਸਦੀ ਹੈ। (Coronavirus Haryana)

ਸੂਬੇ ਦੇ ਹੋਰਨਾਂ ਜ਼ਿਲ੍ਹਿਆਂ ਨਾਲੋਂ ਗੁਰੂਗ੍ਰਾਮ ਵਿੱਚ ਕੋਰੋਨਾ ਵਾਇਰਸ ਦੇ ਵੱਧ ਮਾਮਲੇ ਸਾਹਮਣੇ ਆ ਰਹੇ ਹਨ, ਜਿੱਥੇ ਅੱਜ 165, ਫਰੀਦਾਬਾਦ 35, ਸੋਨੀਪਤ ਇੱਕ, ਕਰਨਾਲ ਦੋ, ਪੰਚਕੂਲਾ 10, ਅੰਬਾਲਾ ਅਤੇ ਪਾਣੀਪਤ ਵਿੱਚ ਇੱਕ-ਇੱਕ, ਰੋਹਤਕ ਦੋ, ਯਮੁਨਾਨਗਰ ਅਤੇ ਕੁਰੂਕਸ਼ੇਤਰ ਵਿੱਚ ਇੱਕ-ਇੱਕ, ਭਿਵਾਨੀ ਅਤੇ ਝੱਜਰ ਵਿੱਚ ਤਿੰਨ-ਤਿੰਨ ਅਤੇ ਫਤਿਹਾਬਾਦ ਵਿੱਚ ਕੋਰੋਨਾ ਦਾ ਇੱਕ ਕੇਸ ਆਇਆ ਹੈ।

ਸੂਬੇ ਦੇ ਹਿਸਾਰ, ਮਹਿੰਦਰਗੜ੍ਹ, ਰੇਵਾੜੀ, ਜੀਂਦ, ਕੈਥਲ, ਪਲਵਲ ਅਤੇ ਚਰਖੀ ਦਾਦਰੀ ਅਤੇ ਨੂਹ ਵਿੱਚ ਕੋਰੋਨਾ ਵਾਇਰਸ ਦਾ ਕੋਈ ਮਾਮਲਾ ਸਾਹਮਣੇ ਨਹੀਂ ਆਇਆ। ਸੂਬੇ ਵਿੱਚ ਹੁਣ ਤੱਕ ਕੁੱਲ 43311424 ਲੋਕਾਂ ਦਾ ਟੀਕਾਕਰਨ ਕੀਤਾ ਜਾ ਚੁੱਕਾ ਹੈ, ਜਿਨ੍ਹਾਂ ਵਿੱਚੋਂ 23506945 ਲੋਕਾਂ ਨੂੰ ਪਹਿਲੀ ਐਂਟੀ-ਕੋਰੋਨਾਵਾਇਰਸ ਡੋਜ਼ ਅਤੇ 19176488 ਲੋਕਾਂ ਨੂੰ ਦੂਜੀ ਡੋਜ਼ ਦਿੱਤੀ ਗਈ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,InstagramLinkedin , YouTube‘ਤੇ ਫਾਲੋ ਕਰੋ