ਸਫਾਈ ਮਿੱਤਰਾ ਸੁਰੱਖਿਆ ਚੈਲੇਂਜ 2021 ਲਈ ਸਰਵੋਤਮ ਰਾਜ ਪੁਰਸਕਾਰ

0
116

ਛੱਤੀਸਗੜ੍ਹ ਦੀਆਂ ਸਭ ਤੋਂ ਵੱਧ 67 ਸੰਸਥਾਵਾਂ ਨੂੰ ਮਿਲੇ ਸਵੱਛਤਾ ਪੁਰਸਕਾਰ

ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਭਾਰਤ ਦੇ ਰਾਸ਼ਟਰਪਤੀ, ਕੋਵਿੰਦ ਨੇ ਸਵੱਛ ਸਰਵੇਖਣ 2021 ਅਵਾਰਡਾਂ ਦੀ ਘੋਸ਼ਣਾ ਕੀਤੀ, ਜਿਸ ਵਿੱਚ ਛੱਤੀਸਗੜ੍ਹ ਨੂੰ ਭਾਰਤ ਵਿੱਚ ਸਭ ਤੋਂ ਸਵੱਛ ਰਾਜ ਹੋਣ ਦਾ ਪੁਰਸਕਾਰ ਮਿਲਿਆ ਹੈ। ਦੂਜੇ ਪਾਸੇ ਮੱਧ ਪ੍ਰਦੇਸ਼ ਦੇ ਇੰਦੌਰ ਨੂੰ ਲਗਾਤਾਰ ਪੰਜਵੀਂ ਵਾਰ ਸਭ ਤੋਂ ਸਾਫ਼ ਸ਼ਹਿਰ ਐਲਾਨਿਆ ਗਿਆ। ਉੱਤਰ ਪ੍ਰਦੇਸ਼ ਦੇ ਵਾਰਾਣਸੀ ਨੇ ਸਾਲਾਨਾ ਸਵੱਛਤਾ ਸਰਵੇਖਣ ਵਿੱਚ ਸਵੱਛ ਸਰਵੇਖਣ 2021 ਪੁਰਸਕਾਰਾਂ ਵਿੱਚ ਸਭ ਤੋਂ ਸਾਫ਼ ਗੰਗਾ ਸ਼ਹਿਰ ਜਿੱਤਿਆ ਹੈ।

ਗੁਜਰਾਤ ਦਾ ਸੂਰਤ ਸ਼ਹਿਰ ਪਿਛਲੇ ਸਾਲ ਸਭ ਤੋਂ ਸਾਫ਼ ਸੁਥਰੇ ਸ਼ਹਿਰਾਂ ਦੀ ਸੂਚੀ ਵਿੱਚ ਦੂਜੇ ਸਥਾਨ ‘ਤੇ ਸੀ ਅਤੇ ਇਸ ਸਾਲ ਵੀ ਸੂਰਤ ਨੇ ਆਪਣਾ ਸਥਾਨ ਬਰਕਰਾਰ ਰੱਖਿਆ ਹੈ। ਇਸ ਦੌਰਾਨ ਆਂਧਰਾ ਪ੍ਰਦੇਸ਼ ਦੇ ਵਿਜੇਵਾੜਾ ਨੇ ਸੂਚੀ ਵਿੱਚ ਤੀਜਾ ਸਥਾਨ ਹਾਸਲ ਕੀਤਾ ਹੈ। ਸਾਲ 2020 ਵਿੱਚ, ਮਹਾਰਾਸ਼ਟਰ ਵਿੱਚ ਨਵੀਂ ਮੁੰਬਈ ਨੂੰ ਭਾਰਤ ਵਿੱਚ ਤੀਜੇ ਸਭ ਤੋਂ ਸਾਫ਼ ਸ਼ਹਿਰ ਵਜੋਂ ਦਰਜਾ ਦਿੱਤਾ ਗਿਆ ਸੀ।

2021 ਐਡੀਸ਼ਨ ਵਿੱਚ ਕੁੱਲ 4,320 ਸ਼ਹਿਰਾਂ ਨੇ ਭਾਗ ਲਿਆ

ਸਰਵੇਖਣ ਦੇ 2021 ਐਡੀਸ਼ਨ ਵਿੱਚ ਕੁੱਲ 4,320 ਸ਼ਹਿਰਾਂ ਨੇ ਹਿੱਸਾ ਲਿਆ। ਸ਼ਹਿਰਾਂ ਨੂੰ ਆਮ ਤੌਰ ੋਤੇ ਸਟਾਰ ਸਿਸਟਮ ਦੀ ਵਰਤੋਂ ਕਰਕੇ ਦਰਜਾ ਦਿੱਤਾ ਜਾਂਦਾ ਹੈ ਅਤੇ ਇਸ ਸਾਲ, 342 ਸ਼ਹਿਰਾਂ ਨੂੰ ਕੁਝ ਸਟਾਰ ਰੇਟਿੰਗਾਂ ਦੇ ਤਹਿਤ ਸਰਟੀਫਿਕੇਟ ਦਿੱਤੇ ਗਏ ਸਨ, ਜਦੋਂ ਕਿ 2018 ਵਿੱਚ 56 ਸੀ। ਇਸ ਵਿੱਚ ਨੌਂ ਪੰਜ ਤਾਰਾ ਸ਼ਹਿਰ, 166 ਤਿੰਨ ਤਾਰਾ ਸ਼ਹਿਰ, 167 ਇੱਕ ਤਾਰਾ ਸ਼ਹਿਰ ਸ਼ਾਮਲ ਹਨ। ਮੰਤਰਾਲੇ ਨੇ ਕਿਹਾ ਕਿ ਇਹ ਸਵੱਛ ਸਰਵੇਖਣ ਦਾ ਛੇਵਾਂ ਸੰਸਕਰਣ ਹੈ ਜੋ ਵਿਸ਼ਵ ਦਾ ਸਭ ਤੋਂ ਵੱਡਾ ਸ਼ਹਿਰੀ ਸਵੱਛਤਾ ਸਰਵੇਖਣ ਬਣ ਗਿਆ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,InstagramLinkedin , YouTube‘ਤੇ ਫਾਲੋ ਕਰੋ