ਦੇਸ਼ ’ਚ 3.92 ਲੱਖ ਨਵੇਂ ਕੇਸ, 3.07 ਲੱਖ ਹੋਏ ਠੀਕ

0
1707

ਕੋਰੋਨਾ ਸੰਕਟ: ਫਰਾਂਸ ਨੇ ਭੇਜੇ 9 ਆਧੁਨਿਕ ਆਕਸੀਜਨ ਜੇਨੇਰੇਟਰ, 4 ਦਿੱਲੀ ’ਚ ਲੱਗਣ

ਸੱਚ ਕਹੂੰ ਨਿਊਜ਼, ਨਵੀਂ ਦਿੱਲੀ। ਦੇਸ਼ ’ਚ ਪੰਜ ਸੂਬਿਆਂ ਦੇ ਚੋਣ ਨਤੀਜਿਆਂ ਦੀ ਚਰਚਾ ਹੋ ਰਹੀ ਹੈ ਤਾਂ ਕੋਰੋਨਾ ਦੇ ਅੰਕੜਿਆਂ ’ਤੇ ਵੀ ਸਾਰੇ ਦੇਸ਼ ਦੀਆਂ ਨਿਗ੍ਹਾ ਟਿਕੀ ਹੋਈ ਹੈ। ਪਿਛਲੇ 24 ਘੰਟਿਆਂ ’ਚ ਕੋਰੋਨਾ ਦੇ 3, 92, 488 ਮਾਮਲੇ ਸਾਹਮਣੇ ਆਏ ਹਨ। ਕੋਰੋਨਾ ਨਾਲ ਪਿਛਲੇ 24 ਘੰਟਿਆ ’ਚ 3689 ਲੋਕਾਂ ਦੀ ਮੌਤ ਹੋਈ ਹੈ। ਜਦੋਂ ਕਿ 3 ਲੱਖ 7 ਹਜ਼ਾਰ 865 ਲੋਕ ਇਸ ਬਿਮਾਰੀ ਨੂੰ ਮਾਤ ਦੇ ਕੇ ਘਰ ਪਰਤ ਚੁੱਕੇ ਹਨ। ਦਿੱਲੀ ’ਚ ਵੀ ਪਿਛਲੇ 24 ਘੰਟਿਆਂ ‘ਚ 412 ਲੋਕਾਂ ਦੀ ਮੌਤ ਹੋਈ ਹੈ।

ਕੋਵਿਡ ਮਹਾਂਮਾਰੀ ’ਚ ਭਾਰਤ ਦੀ ਸਹਾਇਤ ਲਈ ਫਰਾਂਸ ਤੋਂ ਪਹਿਲੀ ਖੇਪ ਅੱਜ ਸਵੇਰੇ ਪਹੁੰਚੀ ਜਿਸ ਵਿੱਚ ਹਸਪਤਾਲ ’ਚ ਆਕਸੀਜਨ ਦਾ ਉਤਪਾਦਨ ਕਰਨ ਵਾਲੇ ਅੱਜ ਅਧੁਨਿਕ ਯੰਤਰ ਸ਼ਾਮਲ ਹਨ। ਸੂਤਰਾ ਨੇ ਦੱਸਿਆ ਕਿ ਫਰਾਂਸ ਦੀ ਸਰਕਾਰ ਨੇ ਇਸ ਖੇਪ ਨੂੰ ਭਾਰਤੀ ਰੈਡਕ੍ਰਾਸ ਸੋਸਾਇਟੀ ਜ਼ਰੀਏ ਭਾਰਤ ਸਰਕਾਰ ਨੂੰ ਸੌਂਪਿਆ।

ਸੂਤਰਾਂ ਅਨੁਸਾਰ ਸਰਕਾਰ ਨੇ ਪਹਿਲਾਂ ਤੇ ਜ਼ਰੂਰਤ ਦੇ ਆਧਾਰ ’ਤੇ ਉਨ੍ਹਾਂ 8 ਹਸਪਤਾਲਾਂ ਨੂੰ ਪਹਿਲਾਂ ਤੋਂ ਚੁਣ ਲਿਆ ਹੈ ਜਿੱਥੇ ਇਹ ਯੰਤਰ ਲਾਏ ਜਾਣਗੇ। ਇਨ੍ਹਾਂ ’ਚੋਂ ਘੰਟ ਤੋਂ ਘੱਟ ਚਾਰ ਹਸਪਤਾਲ ਦਿੱਲੀ ਦੇ ਹਨ। ਇਸ ਨਾਲ ਕਈ ਮਹੱਤਵਪੂਰਨ ਸਥਾਨਾਂ ’ਤੇ ਆਕਸੀਜਨ ਸਪਲਾਈ ਨੂੰ ਲੈ ਕੇ ਰਾਹਤ ਮਿਲ ਸਕੇਗੀ। ਪ੍ਰਤੇਕ ਨੋਵਏਅਰ ਪ੍ਰੀਮੀਅਮ ਆਰ ਐਕਸ 400 ਹਸਪਤਾਲ ਲੇਵਲ ਆਕਸੀਜਨ ਜੇਨੇਰੇਟਰ 250 ਬਿਸਤਰਿਆਂ ਨੂੰ ਸਾਲਭਰ ਤੱਕ ਆਕਸੀਜਨ ਦੇ ਸਕਦਾ ਹੈ। ਇਹ ਆਕਸੀਜਨ ਜੇਨੇਰੇਟਰ 8 ਹਸਪਤਾਲਾਂ ਨੂੰ ਦਸ ਸਾਲ ਤੋਂ ਜ਼ਿਆਦਾ ਸਮੇਂ ਤੱਕ ਅਨਵਰਤ ਪ੍ਰਾਣਵਾਯੂ ਪ੍ਰਦਾਨ ਕਰਨ ’ਚ ਸਮਰੱਥ ਹੈ।

ਇਸ ਤੋਂ ਇਲਾਵਾ ਫਰਾਂਸ ਤੋਂ ਆਈ ਸਮੱਗਰੀ ’ਚ 28 ਵੈਂਟੀਲੇਟਰ, 200 ਇਲੈਕਟ੍ਰਿਕ ਸਰਿੰਜ ਪੰਪ, 28 ਏਐੱਫਨਾਰ/ਬੀਐੈੱਸ ਫਲੈਕਿਸਬਿਲ ਟਿਊਬ, 500 ਵੈਕਟੀਰੀਆ ਰੋਕੂ ਫਿਲਟਰ, 500 ਮਸ਼ੀਨ ਫਿਲਟਰ ਤੇ 500 ਸਬੰਧਿਤ ਰੋਗੀ ਸਰਕਿੱਟ ਵੀ। ਜ਼ਿਕਰਯੋਗ ਹੈ ਕਿ ਫਰਾਂਸ ਰਾਸ਼ਟਰਪਤੀ ਇਮੇਨੁਅਲ ਮੈਂਕੋ ਨੇ ਸੋਸ਼ਲ ਮੀਡੀਆ ਪੋਸਟ ’ਤੇ ਭਾਰਤ ਨਾਲ ਇੱਕਜੁੱਟਤਾ ਪ੍ਰਗਟ ਕਰਦੇ ਹੋਏ ਇੱਕ ਸੰਦੇਸ਼ ਹਿੰਦੀ ’ਚ ਦਿੱਤਾ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।