Breaking News

ਸੁਸ਼ੀਲ ਕੁਮਾਰ ਤੇ ਰਾਹੁਲ ਨੂੰ ਸੋਨ, ਬਬੀਤਾ ਨੂੰ ਚਾਂਦੀ ਤਮਗਾ

Sushil Kumar, Rahul, Gold, Babita, Silvermedalist

ਸੁਸ਼ੀਲ ਨੇ ਫਾਈਨਲ ‘ਚ ਬੋਥਾ ਜੋਹਾਨੇਸ ਨੂੰ ਸਿਰਫ਼ 80 ਸੈਕਿੰਡ ‘ਚ ਨਾਲ ਹਰਾਇਆ

ਗੋਲਡ ਕੋਸਟ, ਏਜੰਸੀ
ਭਾਰਤ ਨੇ 21ਵੀਂਆਂ ਰਾਸ਼ਟਰਮੰਡਲ ਖੇਡਾਂ ਦੇ ਕੁਸ਼ਤੀ ਮੁਕਾਬਲੇ ‘ਚ ਅੱਜ ਧਮਾਕੇਦਾਰ ਸ਼ੁਰੂਆਤ ਕੀਤੀ ਤੇ ਸਟਾਰ ਪਹਿਲਵਾਨ ਸੁਸ਼ੀਲ ਕੁਮਾਰ (74 ਕਿੱਲੋਗ੍ਰਾਮ) ਤੇ ਰਾਹੁਲ ਅਵਾਰੇ (57) ਨੇ ਦੇਸ਼ ਨੂੰ ਸੋਨ ਤਮਗੇ ਦਿਵਾਏ ਜਦੋਂਕਿ ਬਬੀਤਾ ਕੁਮਾਰੀ ਫੋਗਾਟ (53) ਨੇ ਚਾਂਦੀ ਤੇ ਕਿਰਨ (76) ਨੇ ਕਾਂਸੀ ਤਮਗਾ ਜਿੱਤਿਆ.

ਸੁਸ਼ੀਲ ਤੇ ਰਾਹੁਲ ਦੇ ਸੋਨ ਤਮਗਿਆਂ ਨਾਲ ਹੁਣ ਭਾਰਤ ਦੇ ਗੋਲਡ ਕੋਸਟ ‘ਚ 14 ਸੋਨ ਤਮਗੇ ਹੋ ਗਏ ਹਨ ਤੇ ਉਹ ਸੂਚੀ ‘ਚ ਤੀਜੇ ਸਥਾਨ ‘ਤੇ ਮਜ਼ਬੂਤ ਹੋ ਗਿਆ ਹੈ ਭਾਰਤ ਪਿਛਲੇ ਗਲਾਸਗੋ ਰਾਸ਼ਟਰਮੰਡਲ ਖੇਡਾਂ ਦੇ 15 ਸੋਨ ਤਮਗਿਆਂ ਤੋਂ ਹੁਣ ਸਿਰਫ਼ ਇੱਕ ਸੋਨ ਤਮਗਾ ਪਿੱਛੇ ਹੈ ਭਾਰਤ ਦਾ ਸੋਨ ਤਮਗਿਆਂ ਦੇ ਲਿਹਾਜ ਨਾਲ ਇਹ ਹੁਣ ਤੱਕ ਦਾ ਪੰਜਵਾਂ ਸਰਵੋਤਮ ਪ੍ਰਦਰਸ਼ਨ ਹੋ ਚੁੱਕਾ ਹੈ ਜਦੋਂਕਿ ਹਾਲੇ ਖੇਡਾਂ ‘ਚ ਤਿੰਨ ਬਾਕੀ ਹਨ ਭਾਰਤ ਨੇ 1990 ‘ਚ ਆਕਲੈਂਡ ‘ਚ ਜਿੱਤੇ 13 ਸੋਨ ਤਮਗਿਆਂ ਨੂੰ ਪਿੱਛੇ ਛੱਡ ਦਿੱਤਾ ਹੈ.

ਸੁਸ਼ੀਲ ਨੇ ਫਾਈਨਲ ‘ਚ ਦੱਖਣੀ ਅਫ਼ਰੀਕਾ ਦੇ ਬੋਥਾ ਜੋਹਾਨੇਸ ਨੂੰ ਸਿਰਫ਼ 80 ਸੈਕਿੰਡ ‘ਚ 10-0 ਨਾਲ ਹਰਾ ਕੇ ਰਾਸ਼ਟਰ ਮੰਡਲ ਖੇਡਾਂ ‘ਚ ਆਪਣੀ ਸੋਨ ਹੈਟ੍ਰਿਕ ਪੂਰੀ ਕਰ ਲਈ ਲਗਾਤਾਰ ਦੋ ਵਾਰ ਓਲੰਪਿਕ ਦੇ ਤਮਗਾ ਜੇਤੂ ਸੁਸ਼ੀਲ ਨੇ ਫਾਈਨਲ ਮੈਚ ‘ਚ ਸੈੱਟ ‘ਤੇ ਆਉਂਦੇ ਹੀ ਬੋਥਾ ਖਿਲਾਫ਼ 6-0 ਦਾ ਸ਼ੁਰੂਆਤੀ ਵਾਧਾ ਬਣਾਇਆ ਤੇ ਫਿਰ ਉਨ੍ਹਾਂ ਪੂਰੀ ਤਰ੍ਹਾਂ ਕੰਟਰੋਲ ਕਰਦਿਆਂ ਸਕੋਰ 8-0 ਤੇ ਫਿਰ 10-0 ਕੀਤਾ ਤੇ ਬਿਨਾ ਮੁੜ੍ਹਕਾ ਵਹਾਏ 80 ਸੈਕਿੰਡ ‘ਚ ਸੋਨ ਭਾਰਤ ਦੀ ਝੋਲੀ ‘ਚ ਪਾ ਦਿੱਤਾ.

ਸੀਮਾ ਨੇ ਡਿਸਕਸ ਥ੍ਰੋ ‘ਚ ਚਾਂਦੀ, ਨਵਜੀਤ ਨੇ ਕਾਂਸੀ ਜਿੱਤਿਆ

ਗੋਲਡ ਕੋਸਟ ਡਿਸਕਸ ਥ੍ਰੋਅਰ ਸੀਮਾ ਪੂਨੀਆ ਤੇ ਨਵਜੀਤ ਢਿੱਲੋਂ ਨੇ 21ਵੀਆਂ ਰਾਸ਼ਟਰਮੰਡਲ ਖੇਡਾਂ ‘ਚ ਐਥਲੈਟਿਕਸ ਮੁਕਾਬਲਿਆਂ ‘ਚ ਭਾਰਤ ਦਾ ਤਮਗਾ ਇੰਤਜ਼ਾਰ ਅੱਜ ਸਮਾਪਤ ਕਰਦਿਆਂ ਚਾਂਦੀ ਤੇ ਕਾਂਸੀ ਤਮਗੇ ਜਿੱਤ ਲਏ ਸੀਮਾ ਦਾ ਇਹ ਲਗਾਤਾਰ ਚੌਥਾ ਰਾਸ਼ਟਰ ਮੰਡਲ ਖੇਡ ਤਮਗਾ ਹੈ ਭਾਰਤ ਦੇ ਗੋਲਡ ਕੋਸਟ ‘ਚ ਐਥਲੈਟਿਕਸ ‘ਚ ਇਹ ਪਹਿਲਾ ਤਮਗਾ ਹੈ ਭਾਰਤ ਨੇ ਪਿਛਲੇ ਗਲਾਸਗੋ ਖੇਡਾਂ ‘ਚ ਐਥਲੈਟਿਕਸ ‘ਚ ਇੱਕ ਸੋਨ, ਇੱਕ ਚਾਂਦੀ ਤੇ ਇੱਕ ਕਾਂਸੀ ਤਮਗਾ ਜਿੱਤਿਆ ਸੀ.

ਭਾਰਤ ਦੀ ਇਨ੍ਹਾਂ ਦੋ ਮਹਿਲਾ ਐਥਲੀਟਾਂ ਨੇ ਇੱਕ ਹੀ ਮੁਕਾਬਲੇ ‘ਚ ਇਕੱਠੇ ਦੋ ਤਮਗੇ ਦਿਵਾ ਦਿੱਤੇ 34 ਸਾਲਾ ਸੀਮਾ ਨੇ 60.41 ਮੀਟਰ ਦੀ ਥ੍ਰੋ ਦੇ ਨਾਲ ਚਾਂਦੀ ਤੇ ਨਵਜੀਤ ਨੇ 57.43 ਮੀਟਰ ਦੀ ਥ੍ਰੋ ਦੇ ਨਾਲ ਕਾਂਸੀ ਜਿੱਤਿਆ ਇਸ ਮੁਕਾਬਲੇ ਦਾ ਸੋਨ ਅਸਟਰੇਲੀਆ ਦੀ ਡੈਨੀ ਸਟੀਵੰਸ ਨੇ 68.26 ਮੀਟਰ ਦਾ ਨਵਾਂ ਖੇਡ ਰਿਕਾਰਡ ਬਣਾਉਂਦਿਆਂ ਜਿੱਤਿਆ ਸੀਮਾ ਨੇ ਆਪਣੀ ਪਹਿਲੀ ਕੋਸ਼ਿਸ਼ ‘ਚ 60.41 ਮੀਟਰ ਦਾ ਚੱਕਾ ਸੁੱਟਿਆ ਜੋ ਉਨ੍ਹਾਂ ਦਾ ਅੰਤ ਤੱਕ ਸਰਵੋਤਮ ਪ੍ਰਦਰਸ਼ਨ ਰਿਹਾ.

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਪ੍ਰਸਿੱਧ ਖਬਰਾਂ

To Top