ਪੰਜਾਬ

ਭੱਟੀ ਦੀ ਰਿਹਾਇਸ਼ ਦਾ ਘਿਰਾਓ ਕਰਦੇ ਅਧਿਆਪਕਾਂ ਦੀ ਖਿੱਚ-ਧੂਹ

Tackling, Teachers, Encroaching, Bhatti, Residence

ਅਸ਼ੋਕ ਵਰਮਾ, ਬਠਿੰਡਾ

ਬਠਿੰਡਾ ਪੁਲਿਸ ਨੇ ਅੱਜ ਵਿਧਾਨ ਸਭਾ ਦੇ ਡਿਪਟੀ ਸਪੀਕਰ ਅਜਾਇਬ ਸਿੰਘ ਭੱਟੀ ਦੀ ਰਿਹਾਇਸ਼ ਦਾ ਘਿਰਾਓ ਕਰਨ ਜਾ ਰਹੇ ਮਹਿਲਾ ਤੇ ਪੁਰਸ਼ ਅਧਿਆਪਕਾਂ ਦੀ ਖਿੱਚ-ਧੂਹ ਕੀਤੀ ਅਤੇ ਡੰਡੇ ਵਰ੍ਹਾਏ ਇਹ ਅਧਿਆਪਕ ਸਾਂਝੇ ਅਧਿਆਪਕ ਮੋਰਚੇ ਦੇ ਸੱਦੇ ‘ਤੇ ਆਪਣੀਆਂ ਮੰਗਾਂ ਅਤੇ ਪਟਿਆਲਾ ਮੋਰਚੇ ਦੇ ਹੱਕ ‘ਚ ਸ੍ਰੀ ਭੱਟੀ ਦੀ ਰਿਹਾਇਸ਼ ਵੱਲ ਵਧ ਰਹੇ ਸਨ, ਜਿੰਨ੍ਹਾਂ ਨੂੰ ਪੁਲਿਸ ਨੇ ਦਾਦੀ ਪੋਤੀ ਪਾਰਕ ਕੋਲ ਪੁਲਿਸ ਨੇ ਬੈਰੀਕੇਡ ਲਾ ਕੇ ਰੋਕ ਲਿਆ ਜਦੋਂ ਅਧਿਆਪਕ ਅੱਗੇ ਜਾਣ ਲਈ ਬਜਿਦ ਰਹੇ ਤਾਂ ਪੁਲਿਸ ਨੇ ਡੰਡੇ ਚਲਾ ਦਿੱਤੇ

ਅਤੇ ਅਧਿਆਪਕਾਂ ਨੂੰ ਧੱਕੇ ਮਾਰੇ  ਇਨ੍ਹਾਂ ਅਧਿਆਪਕਾਂ ਨੇ ਪਾਰਕ ਲਾਗੇ ਹੀ ਸਰਕਾਰ ਖ਼ਿਲਾਫ਼ ਨਾਅਰੇਬਾਜ਼ੀ ਕਰ ਕੇ ਰੋਸ ਦਰਜ ਕਰਾਇਆ ਅਤੇ ਸਰਕਾਰ ਨਾਲ ਆਰ-ਪਾਰ ਦੀ ਲੜਾਈ ਲੜਨ ਦੀ ਗੱਲ ਆਖੀ ਜਦੋਂ ਅਧਿਆਪਕਾਂ ਨੇ ਤਿੱਖਾ ਰੋਸ ਜ਼ਾਹਰ ਕੀਤਾ ਤਾਂ ਜ਼ਿਲ੍ਹਾ ਪ੍ਰਸ਼ਾਸ਼ਨ ਨੇ ਮੰਗ ਪੱਤਰ ਪ੍ਰਾਪਤ ਕੀਤਾ ਅਤੇ ਸ੍ਰੀ ਭੱਟੀ ਨਾਲ ਮੀਟਿੰਗ ਤੈਅ ਕਰਵਾ ਦਿੱਤੀ ਸਾਂਝੇ ਅਧਿਆਪਕ ਮੋਰਚੇ ਦੇ ਆਗੂ ਰੇਸ਼ਮ ਸਿੰਘ ਦਾ ਕਹਿਣਾ ਸੀ ਕਿ ਸਰਕਾਰ ਹੱਕੀ ਮੰਗਾਂ ਮੰਨਣ ਦੀ ਥਾਂ ਅਧਿਆਪਕਾਂ ਨੂੰ ਕੁਟਵਾਉਣ ਦੇ ਰਾਹ ਪੈ ਗਈ ਹੈ ਜਿਸ ਨੂੰ ਹਰਗਿਜ਼ ਸਹਿਣ ਨਹੀਂ ਕੀਤਾ ਜਾਏਗਾ

ਅਧਿਆਪਕ ਆਗੂ ਬਲਜਿੰਦਰ ਸਿੰਘ ਨੇ  ਕਿਹਾ ਕਿ ਸਰਕਾਰ ਐੱਸਐੱਸਏ ਤੇ ਰਮਸਾ ਅਧਿਆਪਕਾਂ  ਦੀ ਤਨਖਾਹ ਵਿੱਚ ਕਟੌਤੀ, ਜਬਰੀ ਬਦਲੀਆਂ  ਅਤੇ 5178 ਅਧਿਆਪਕਾਂ  ਨੂੰ ਰੈਗੂਲਰ ਨਹੀਂ ਕਰ ਰਹੀ ਜਿਸ ਕਾਰਨ ਸਮੂਹ ਅਧਿਆਪਕ ਜਥੇਬੰਦੀਆਂ ਨੇ ਘੇਰਾਬੰਦੀ ਸ਼ੁਰੂ ਕੀਤੀ ਹੋਈ ਹੈ ਉਨ੍ਹਾਂ  ਸਰਕਾਰ ਦੀ ਅਧਿਆਪਕਾਂ  ਅਤੇ ਸਿੱਖਿਆ ਮਾਰੂ ਨੀਤੀਆਂ ‘ਤੇ ਚੱਲਣ ਦੀ ਨਿਖੇਧੀ ਕਰਦਿਆਂ ਸਿੱਖਿਆ ਮੰਤਰੀ ਦੇ ਅਧਿਆਪਕ ਵਿਰੋਧੀ ਰਵੱਈਏ ਦੀ ਸਖ਼ਤ ਸ਼ਬਦਾਂ  ਵਿੱਚ ਨਿੰਦਾ ਕੀਤੀ ਸਾਂਝਾ ਅਧਿਆਪਕ ਮੋਰਚਾ ਦੇ ਕੋ ਕਨਵੀਨਰ ਜਗਸੀਰ ਸਿੰਘ ਸਹੋਤਾ ਨੇ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਅਧਿਆਪਕ ਮੰਗਾਂ  ਵੱਲ ਧਿਆਨ ਦੇਣ ਦੀ ਬਜਾਏ, ਸੰਘਰਸ਼ੀ ਅਧਿਆਪਕਾਂ  ਦੀਆਂ  ਦੂਰ ਦੁਰਾਡੇ ਦੀਆਂ  ਬਦਲੀਆਂ  ਅਤੇ ਮੁਅੱਤਲੀਆਂ  ਰਾਹੀਂ ਆਪਣੇ ਹੀ ਲੋਕਾਂ  ਖ਼ਿਲਾਫ਼ ਇਕ ਭੱਦੀ ਅੰਤਹੀਣ ਜੰਗ ਛੇੜਨ ਦੀ ਬੱਜਰ ਭੁੱਲ ਕੀਤੀ ਜਾ ਰਹੀ ਹੈ,

ਜਿਸ ਦਾ ਜਵਾਬ ਪੰਜਾਬ ਦੇ ਸਿਰੜੀ ਅਤੇ ਅਣਖੀ ਲੋਕ ਇਕ ਵਾਰ ਫਿਰ ਤੋਂ ਢੁੱਕਵੇਂ ਰੂਪ ਵਿੱਚ ਦੇਣਗੇ ਅਧਿਆਪਕ ਆਗੂ ਗੁਰਮੂਢ ਸਿੰਘ ਨਥਾਣਾ ਨੇ ਕਿਹਾ ਕਿ ਪੜ੍ਹੇ ਲਿੱਖੇ ਬੁੱਧੀਜੀਵੀ ਵਰਗ ਨਾਲ ਕੀਤੀਆਂ ਜਾ ਰਹੀਆਂ ਇੰਜ ਧੱਕੇਸ਼ਾਹੀਆਂ ਦੀ ਕਾਂਗਰਸ ਸਰਕਾਰ ਨੂੰ ਇਸ ਦੀ ਵੱਡੀ ਸਿਆਸੀ ਅਤੇ ਸਮਾਜਿਕ ਕੀਮਤ ਤਾਰਨੀ ਪਵੇਗੀ  ਇਸ ਮੌਕੇ ਮੋਰਚਾ ਆਗੂਆਂ  ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੂੰ ਦਮਨ ਅਤੇ ਟਕਰਾਅ ਦੀ ਨੀਤੀ ਨੂੰ ਤਿਆਗ ਕੇ ਅਧਿਆਪਕਾਂ  ਦੀ ਹੱਕੀ ਮੰਗਾਂ  ਨੂੰ ਜਲਦੀ ਮੰਨ ਕੇ ਸਿੱਖਿਆ ਪ੍ਰਤੀ ਸੁਹਿਰਦਤਾ ਅਤੇ ਪ੍ਰਤੀਬੱਧਤਾ ਦਾ ਸਬੂਤ ਦੇਣਾ ਚਾਹੀਦਾ ਹੈ ਉਨ੍ਹਾਂ ਚਿਤਾਵਨੀ ਦਿੱਤੀ ਕਿ ਜੇਕਰ ਅਧਿਆਪਕਾਂ ਦੀਆਂ ਮੰਗਾਂ ਨਾ ਮੰਨੀਆਂ ਤਾਂ ਜੇਲ੍ਹ ਭਰੋ ਅੰਦੋਲਨ ਦੀ ਸ਼ੁਰੂਆਤ ਕੀਤੀ ਜਾ ਸਕਦੀ ਹੈ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਪ੍ਰਸਿੱਧ ਖਬਰਾਂ

To Top